ድንበር በማይገድበው የህዝባዊነት ዕምነት ሌት ተቀን በመስራት የቀጣናችንን ሰላም ማረጋገጥ ችለናል ሲሉ የዘጠነኛ ዙር ሁለተኛ ታንከኛ ዋና አዛዥ ሻለቃ ቀጄላ ጨዋቃ ገለፁ።

[#if smallImage??] [#if smallImage?is_hash] [#if smallImage.alt??] ${smallImage.alt} [/#if] [/#if] [/#if]

የታንከኛ ክፍሉ በግዳጅ ቀጣናው የመንገድ መሠረተ-ልማት እንዲስፋፋ፣ወታደራዊ ታዛቢዎች በነፃነት ተንቀሳቅሰው ተግባራቸውን እንዲያከናውኑ፣ተሽከርካሪዎች ያለስጋት እንዲንቀሳቀሱ ተገቢ ጥበቃ ማድረግ ችለናል ያሉት ዋና አዛዡ ፣ በተቻለ መጠን የአካባቢውን ህዝብ ማህበራዊ ችግሮች እንደ ንፁህ የመጠጥ ውሃ አቅርቦቶች በመሳሰሉ ለማቃለልም በትኩረት እየሠራን ነው ብለዋል።
ከፍተኛ መኮንኑ ፣ ክፍሉ የሜካናይዝድ ክፍል ቢሆንም ፣ ሁለገብ በመሆን የእግረኛን ስራ ጨምሮ እየተወጣ እንደሚገኝና ፣ የአባላቱ ጥንካሬም የሚደነቅ መሆኑን ጠቁመዋል።
የአባላቱ እና የአሽከርካሪዎቻችን የተቀናጀ እንቅስቃሴ ቀንም ሆነ ሌሊት በማንኛውም ሰዓት የሚፈጠርን ችግር ፈጥኖ በመድረስ መፍታት እንድንችል አድርጎናል ያለው ደግሞ ፣ የሁለተኛ ታንከኛ መገናኛና ስምሪት ሃላፊ የሃምሳ አለቃ ብሩክ አበራ ነው።
አስቻለው ሌንጫ
ፎቶግራፍ ብሩክ ጌታቸው